विद्यार्थी नेता संजय यादवको अध्यक्षतामा बिष्णुपुर गापामा रक्तदान कार्यक्रम

प्रदेश टाइम्स ३० ज्येष्ठ ,सिरहा  ।विकसित कोरोना जोखिमको मध्यनजर गर्दै विद्यार्थी जनमत संघ सिरहाको अध्यक्ष संजय कुमार यादवको अध्यक्षतामा रक्तदान कार्यक्रम भएको छ। बिष्णुपुर गाउँपालिका वडा न १ स्थित हटियाको प्रागँनमा रखिएको उक्त कार्यक्रममा जम्मा ३३ जना स्थानीयहरुले रक्तदान गरेको छ। सेवा नै धर्म हो भन्ने नाराका साथ विद्यार्थी जनमत सँघले हरेक जिल्लामा अभियानकै रुपमा कार्यक्रम गर्दै आज आइतबार बिष्णुपुरमा पनि बृहत रुपमा सुरक्षा अपनाउदै कार्यक्रम सम्पन्न गरेको विद्यार्थी जनमत संघ सिरहाको अध्यक्ष संजय यादवले बताए । नेपाल रेड्क्रस सोसाइटी लहान सिरहाको प्रत्यक्ष सहयोग रहेको थियो ।