संविधान संशोधनको माग सम्बोधन नभएकाले  विगतमा झै यस वर्ष पनि असोज ३ गते देश व्यापी विरोध दिवस मनाउने –राजपा संयोजक यादव

संविधान संशोधनको माग सम्बोधन नभएकाले  विगतमा झै यस वर्ष पनि असोज ३ गते देश व्यापी विरोध दिवस मनाउने निर्णय गरेको राष्ट्रिय जनता पार्टीका संयोजक राजकिशोर यादवले बैठकपछि सार्वजनिक गरेको विज्ञप्तिमा जनाइएको छ । राष्ट्रिय जनता पार्टीको मंगलबार बसेको अध्यक्ष मण्डलको बैठकले संविधान जारी भएको दिनलाई विरोध दिवसको रुपमा मनाउने निर्णय गरेको छ ।त्यसैगरी बैठकले मुलुककै दोस्रो अन्तर्रा्ष्ट्रिय विमानास्थल बाराको निजगढमा शिघ्र निर्माण गर्न सरकारको ध्यानाकर्षण गराएको छ । राजपाले निजगढमा विमानास्थल बनाउनु पर्ने कुरामा प्रतिवद्ध रहेको उल्लेख गर्दै त्यसका लागि प्रदेश सरकारसँग आवश्यक समन्वय गर्न आग्रह गरेको छ । अनावश्यक रुख नकाट्न, वनस्पति र वन्यजन्तु विनास नगर्न, वनमा निर्भर तल्लो भेगका जनतालाई पानीको समस्या हुन नदिन, नदिनाला र पर्यावरणीय प्रभाव मूल्याकंन गरेर तत्काल निर्माणको काम सुरु गर्न बैठकले ध्यानाकर्षण गराएको छ ।