सिरहामा कोभिड-१९ ब्यबस्थापन सम्बन्धि दुई दिने हेल्थ डेस्क अभिमुखिकरन कार्यक्रम

राम पुकार यादव/सिरहा । नेपाल लगायत विभिन्न मुलुकहरुमा अमिकर्न भाइरस फैलिदै गर्दा सिरहामा कोभिड-१९ ब्यबस्थापन सम्बन्धि दुई दिने हेल्थ डेस्क अभिमुखिकरन कार्यक्रम संचालन भएको छ।बिश्वब्यापी रुपमा फैलिएको नयाँ भेरियन्ट सहितको कोभिड-१९ ले देशलाई अक्रान्त पारिरहेको मध्यनजर गर्दै सो को नियन्त्रणको लागि विभिन्न बिधिहरु सम्बन्धि जानकारी गराउन हेल्थ डेस्क अभिमुखिकरन कार्यक्रम गरिएको हो। नेपालको स्थल सिमा प्रवेश बिन्दुमा कार्यरत स्वास्थ्यकर्मी र अन्य कर्मचारीहरुको क्षमता अभिवृद्धि गराउन देखिएको आवश्यकतालाई महसुस गर्दै स्वास्थ्य तथा जनसंख्या मन्त्रालय ,इपिडिमियोलोजी तथा रोग नियन्त्रण महाशाखा ,रास्टिय स्वास्थ्य तालिम केन्द्र तथा अन्य सहयोगी संस्थाहरुको संलग्नतामा दुई दिने कोभिड-१९ ब्यबस्थापन सम्बन्धि अभिमुखिकरण कार्यक्रम सामग्री तयार पारी गरिएको हो। अभिमुखिकरणको लागि जम्मा ६ वटा सेसन गर्दै सामग्री तयार पारिएको छ। सामग्रीमा कोभिड-१९ को जानकारी अध्याबधिक,प्रवेश बिन्दु तथा अन्तरास्ट्रिय स्वास्थ्य नियमावली ,प्रवेश बिन्दुमा स्कृनिङ तथा परिक्षण,तथ्यांक अभिलेखिकरण तथा रिपोर्टिङ ,संक्रमण रोकथाम तथा नियन्त्रण ,जोखिम संचार र समुदायको संलग्नता तथा स्वास्थ्य जाँचका क्रममा यात्रुहरूको मानव अधिकार सहितको सेसनहरुमा भरपर्दो अभिमुखिकरण गराइएको छ। दुई दिने अभिमुखिकरण कार्यक्रम सिरहाको रमझम होटलमा गरिएको हो।