धनगढीमाई १४ मा टेलिफोन नेटवर्क अभाव नेपाल टेलिकम सिराहा बेखवर

 विनोद मण्डल आषाढ़ १४ । सिराहाको धनगढीमाई १४ भौगोलिक रूपमा विकट मानिन्छ । नेपाल सरकारले विकट नेपालको पहाडी जिल्लाहरूमा भौतिक पूर्वाधार निर्माण गरेको छ जनताले सामान्य सुविधाहरु प्राप्त गरिरहेका छन् तर सिरहाको धनगढीमाई १४ का बस्तीहरूमा नेपाल सरकारको हालसम्म ध्यान नपुग्नु चिन्ताको विषय बनेको छ । सञ्चारको सुविधा सरकारले कागजमा घोषणा गरेतापनि यस ठाउँमा हालसम्म मोबाइलमा नेटवर्क छैन भने अर्कोतिर टेलिफोन टावरको अभावमा यहाँ भएका मोबाइलहरु थन्किएका छन् । नेटवर्क समस्या समाधानको लागि नेपाल टेलिकम सिराहा लहानले स्थानिय जनतालाई झुठा आश्वासन दिएर ढाँटिरहेका छन् भने यता टेलिकम सिराहा लहानको टावरको निर्माणको लागि खरिद गरेको वा खरिद गर्न बाकी रहेको प्राविधिक सामग्रीको नाममा खेलबाजी गरेको वर्षौ बितिसक्दा पनि मौन बस्नुको कारण के होला ? स्थानिय जनतालाई टेलिकमले कहिलेसम्म ठग्ने ? यिनै प्रश्नहरू खडा गरेर पन्छिदै आएको टेलिकमले अब वर्षाको बहानामा कालोबजारी गर्ने प्रवल सम्भावना रहेकोले बन्द कोठामा बसेर संसारको कुरा गर्ने सिराहा टेलिकमलाई धनगढीमाई १४ मा स्थलगत अध्ययन गर्न जरुरी देखिएको छ ।