सिरहामा घाटीरेटी हत्या गरिएको एक अपरिचित व्यक्तिको शव भेटियो

सिरहा । सिरहा नगरपालिका १२ स्थित कमलानदीको पूर्वी तटबन्धको पूर्वपट्टी विहीबार बिहान एक व्यक्तिको घाटीरेटी हत्या गरिएको अवस्थामा शव भेटिएको छ ।

तटबन्ध भन्दा तल अन्दाजी ४५–५० वर्षीय एक पुरुषको घाटीरेटी हत्या गरिएको अवस्थामा लास फेला परेको स्थानीयहरुले प्रहरीलाई खबर गरी जानकारी गराएका थिए । बिहान करिब ७ बजेको समयमा स्थानीयहरु खेतमा काम गर्न गएको बेला अपरिचित व्यक्तिको हत्या गरी फालिएको अवस्थामा लास हेर्दा प्रहरीलाई खबर पछि प्रहरी घटना स्थलमा पुगेको थियो ।

यो समाचार तयार पार्दासम्म लासलाई पोष्टमार्टमको लागि जिल्ला अस्पताल सिरहामा राखीएको र थप थप अनुसन्धान भइरहेकमो जिल्ला प्रहरी कार्यालय सिरहाले जनाएको छ ।