सरकारले पर्यटन वर्ष २०२० मनाउदै

कावासोती २ चैत्र । सरकारले पर्यटन वर्ष २०२० मनाउदै गर्दा नवलपुरमा पर्यटको संख्यामा वृद्दि गर्नको लागि नवलपुरका युवाहरुले भिजिट नवलपुर अभियान संचालनमा ल्याईरहेका छन् । यस अन्र्तगत बिनय आज त्रीवेणी गाउपालिकाको विभिन्न ऐतिहासिक,धार्मिक स्थल र पर्यटकिय सम्भावना रहेका छेत्र अवलोकन गर्दे उनिहरुले यसलाइृ प्रचार प्रसारमा लैजाने प्रतिबद्धता व्यक्त गरेका छन् । आजको कार्यक्रम अन्र्तगत दाउन्ने देबि मन्दिर,कैउलानी देबी थान,सुस्ता क्षेत्र , त्रीबेणी धाम , गजेन्द्र मोक्ष लगाएतका पर्यटकिय तथा धर्मिक मठ मन्दिर,ऐतिहासिक र पर्यटकीय क्षेत्रको अवलोकन गरिएका थियो । सहयोगी संस्था, दिप आर्दश सामाजिक विकास नेपाल र आउँ युवा देश बनाऔं,नवलपुरको संयुक्त आयोजनामा यहि फागुन ४ देखि जेठ ४ गते सम्म हुने ३ महिने भिजिट नवलपुर अभियानले आज पनि निरन्तरता पाएको हो । यसै कार्यक्रम अन्त्रगत आज बिनयत्रीबेणी गाउपालिको भिजिट गरिएको हो यस अभियानले नवलपुर जिल्लालाई पर्यटन विकासमा ठुलो सहयोग पुग्ने बिनय त्रीवेणी गाउँपालिकाका उपाध्यक्ष मिना राना मगरले बताउनु भयो । सो अबसरमा बिनय त्रीवेणी गाउपालिका वडा नं २ का वडा अध्यक्ष बिष्णु प्रसाद ढकालले प्राकृतिक सौन्दर्य , ऐतिहाऐक स्थल र धार्मिक हिसाब ले अत्यन्तै महत्त्व बोकेको छेत्रको रुपमा चिनाउनु पर्नेमा जोड दिनु भयो । उहाले यो अभियान सहरानिय रहेको र यसमा सबै सरोकारवालालाई सहयोग गर्न समेत आवाहान गर्नुभयो । कर्यक्रममा सहयोगी संस्थाका अध्यक्ष ओमकार घिमिरे , उपाध्यक्ष निरज सुबेदि , दिप आर्दश सामाजिक विकास नेपाल (ड्याड नेपाल)का अध्यक्ष किरण भुर्तेल , सामाजिक अभियान्ता सुर्य पौडेल,तिर्थराज काफ्ले,गोबिन्द आचार्य लगाएतका २५ युवाहरूको सहभागीता रहेको थियो ।