लहानमा दुर्घटना , एकको मृत्यु दुई घाइते

लहान ५ , मंसिर।
सिरहाको लहान वडा नम्बर- १२ फुलवाडी बजारमा आज भएको सडक दुर्घटनामा एक जनाको मृत्यु भएको छ । मृत्यु हुनेमा महोत्तरी जिल्ला लोहरपट्टी नगरपालिका वडा नम्बर - ४ बस्ने करिब १५ बर्षिय सरोज यादव रहेको ईलाका प्रहरी कार्यालय लहानले जनाएको छ । लहानबाट जनकपुर जाँदै गरेको ना १ ज ८३७५ नम्बरको विङगरले स ४ प ६०४५ नम्बरको मोटरसाइकललाई पछाडी बाट ठ्क्कर दिदा विङगरका सह- चालक यादवको घटना स्थलमै मृत्यु भएको हो । मोटरसाइकलमा सबार लहान नगरपालिका वडा नम्बर - २२ टोल सिसवनी बस्ने महेश चौधरी र पनिलाल चौधरी घाइते भएको छ । घाइतेहरुको लहानमा उपचार सम्भब नभएपछि थप उपचारका लागि बिराटनगर स्थित न्युरो अस्पताल लगिएको छ । मृत्यक यादवलाई परिवारको जिम्मा दिएको छ भने चालक लहान प्रहरीको नियन्त्रणमा रहेकोे छ ।