अबैध काठसहित दुई पक्राऊ

प्रदेश टाइम्स/ सिरहा साउन ३० । प्रदेश नं १ को झापाबाट सखुवाको गोलिया काठ र ट्र्याक्टरसहित दुई पुरुषलाई नियन्त्रणमा लिएको छ । मे-१ त-६५३८ नम्बरको ट्र्याक्टरमा सखुवा जातको गोलिया काठ १६ थान ५८.२२ क्युविक फिट काठ बुद्धशान्ति गाउँपालिका वडा नम्बर ६ शान्तिनगर स्थित रहेको ज्यामिरे सामुदायिक वनमा चोरी भइरहेको गोप्य सूचनाका आधारमा नियन्त्रणमा लिइएको हो । जिल्ला प्रहरी कार्यालयका प्रवक्ता खगेन्द्रप्रसाद रिजालका अनुसार पक्राऊ पर्नेमा बुद्धशान्ति गाउँपालिका वडा नम्बर ४ बस्ने २४ वर्षीय सविन विश्वकर्मा र ३६ वर्षीय धनाहाङ लिम्बू रहेका छन् । पक्राऊ गरिएको ट्र्याक्टरसहित सबैलाई आवश्यक कारबाहीको लागि डिभजन वन कार्यालय भद्रपुर झापामा बुझाइएको प्रहरीले जनाएको छ ।