सर्वसाधारणको फोन पनि उठाउँदैनन् सिरहाका एसपी लिम्बु

 सिरहा । प्रहरी नागरिकसँग सबैभन्दा नजिक रहने सरकारी संयन्त्र हो । नागरिकलाई कुनै पनि समस्या पर्दा प्रहरीलाई सम्झन्छन् । तर, प्रहरीहरू नागरिकप्रति गैरजिम्मेवार रहँदै आएको गुनासो यत्रतत्र हुन्छ । सिरहमा त झन् यो प्रवृत्तिले पछिल्लो समय सीमा नाघिरहेको छ । प्रहरी संयन्त्रले नागरिकका काम सहजै गरिदिदैँन । प्रहरीके बेवास्ताका कारण हैरान भएका नागरिक अन्त्यमा गुनासो पोख्न एसपीलाई फोन गर्छन् । तर, एसपी टेकुनन्द इवा लिम्बुले नागरिकका गुनासो सुन्नु कहाँ हो कहाँ, नागरिकका फोन पनि नउठाउँदैनन् । यसले गर्दा सिरहाका नागरिक हैरान बनेका छन् । पछिल्लो समय सिरहाका प्रहरीहरू तस्कर, दलाल, बिचौलियाहरूसँग मिलेर अवैध धन्दामा व्यस्त रहेको चर्चा बजारमा यत्रतत्र चलिरहँदा यसैकारण नागरिकका मुद्दा प्राथमिकता नपरेको हुनसक्ने जिल्लावासी बताउँछन् ।