रोजगारीको लागी मलेशिया पुगेका राजपुरको रुपेश घर कहिले फर्किने अशामा परिवारजन ,रुपेश नेपाली साथिबाटै मलेशियामा मारिए

सिरहा:: रुपेश यादव जो घरकै मेरुदण्ड थियो । उसकै भरमा घरपरिवारको जोहो चल्थ्यो । २४ बर्षको कलिलै उमेर थियो रुपेशको । सिरहाको बिष्णुपुर गाउँपालिका वडा २ राजपुरमा बस्ने रुपेश एक होनहार र घरपरिवारको स्तम्भ नै थियो । गाउँमै शिक्षादिक्षा हासिल गरेको उसले एक देखी कक्षा १० सम्म गाउँमै रहेको जनता माध्यमिक विद्यालाय राजपुरमा अध्यन गरेको थियो । घरायसी आर्थिक अबस्था सबल नरहेको कारण परिवारिक जोहो जोर्न रोजगारीको लागि बिदेशीए । राहदानी पासपोर्ट बनाएर उनले मलेशिया पुगे । मलेशियाको एक कम्पनीमा इमानदारीत र मिहिनेतले काम गरिरहेको रुपेशलाई त्यसै कम्पनीमा गार्डको काम गर्ने एक नेपालीकै समुहले चक्कु प्रहार गरि विभत्स हत्या गरे । उसलाई त्यस कम्पनीमा काम गर्ने नेपाली मिलन गुरुङको समुहले हत्या गरेको खुलिएको हो । रोजगारीको लागी बिदेशीएका राजपुरको रुपेश सदाको लागी त्यहि अस्ताए । आज स्व. रुपेशको परिवार छतविछत भएको छ । घरपरिवारको लालनपालनकर्ताको रुपमा रहेको रुपेशलाई मलेशियामा उ सँगैको साथिले हत्या गरेको खबर सुनिएपछि परिवारजन यतिखेर शोकमा डुबेको छ । परिवारको समस्या कसले हेर्ने भन्ने चिन्ता त छदैछन उनिहरुमा उता हप्तौं दिन बिति सक्दा पनि आफ्नो छोरोको मरेको मुखपनि हेर्न पाउने कि नपाउने भन्दै संस्कारको लागि लाशको खोजिमा छन उनिहरु । देश त देश बिदेशमा पनि नेपाली नेपालि बाटै असुरक्षीत कहिले सम्म ? मलेशियाबाट छोरो रुपेशको शब यथाशिघ्र झिकाउन सरकारको कडा पहल र उचित न्याय, दोषी हत्यारालाई कडा दन्डको ब्यबस्था सहित क्षतिपूर्तिको माँग गर्दै प्रतिक्षारत छन रुपेशको परिवारजन ।