तेरिज दरबन्दी विपरीत जनस्वास्थ्य चौकी कल्याणपुरमा इन्चार्ज

प्रदेश टाइम्स/ सिरहा ।  मापदण्ड अनुसार शैक्षिक योग्यताको अधारमा इन्चार्ज तोकिनुपर्ने अबस्था नेपाल सरकारले बनाएको तेरिज दरबन्दी र निर्देशिकामा उल्लेख रहेपनि पनि सिरहाको कल्याणपुर नगरपालिका ११ स्थित जनस्वास्थ्य चौकीमा तेरिज्ज दरबन्दी र निर्देशिका विपरीत इन्चार्ज तोकिएको छ । स्थानीय सरकारको दबाब र प्रभावमा बस्ने कर्मचारीलाई मनोमानी ढंगले मिलोमतोमा यहाँ एच ए छेटौं हुदाहुदै पनि अहेव छेटौंलाई इन्चार्ज तोकिएको जनस्वास्थ्य निरीक्षक राजेश यादवको आरोप रहेको हो । निरीक्षक यादवका अनुसार आफु एचए पाँचौ बाट जागीर शुरूवात गरि एचए छेटौमा हाल कार्यरत रहेको छु । तरभने यहाँ आफ्ना लगाव र प्रभावमा बस्ने अहेब चौथो बाट जागिर शुरु गरेको अहेव छेटौँ लाई मनोमानी प्रक्रियाले इन्चार्ज तोकिएपछि प्रष्ट रुपले गुनासोको बिषयबस्तु रहेको बताए । हाल जनस्वास्थ्य चौकी कल्याणपुरमा एचए छेटौं स्तरमा राजेश यादव जनस्वास्थ्य निरीक्षकको पदमा र अहेव छेटौं स्तरमा ओम शंकर साह इन्चार्ज पदमा रहेका छन । जुन तेरिज दरबन्दी र नेपाल सरकारले दिएको निर्देशिका विपरीत मनोमानी प्रक्रियाले गरेको जनस्वास्थ्य निरीक्षक यादवको आरोप रहेको हो । निरीक्षक यादवले दुइटा छेटौं कार्यरत रहेको तराइको जनस्वास्थ्य चौकिहरुमा शैक्षिक योग्यता बढि भएकोलाई इन्चार्ज तोकिनुपर्ने ब्यबस्था रहेपनि कम योग्यता भएकोलाई यहाँ इन्चार्ज तोकिएको छ । जुन सरासर यहाँको स्थानीय सरकारकारको मनोमानी र गलत मनसाय रहेको बताए । उता इन्चार्ज पदकै लागि पुनरावेदन अदालत राजबिराजमा मुद्दा  चलिरहेको कल्याणपुर जनस्वास्थ्य चौकिमा कार्यरत इन्चार्ज ओमशंकर साहले बताए । इन्चार्ज साहका अनुसार यहाँ स्वास्थ चौकि भित्र आफु सहित सबै स्टाफहरु स्थानीय नै परेकोले आफ्ना विपक्षीहरु पनि कम नरहेको र गुनासोमा बढि अग्रसर देखिएको जनाए । साथै निरीक्षक साहले यस्ता समस्या विभिन्न स्थानीय तहमा रहेको भन्दै यहाँ आफु पनि इन्चार्ज पदकै लागि एक बर्ष देखि मुद्दा खेपिरहेको बताए । उनले नेपाल सरकारले दिएको तेरिज दरबन्दीलाई नै तहगत हिसाबले कल्याणपुर नगारपालिकाले पनि कार्यन्वन गरेको दाबि गरे ।