गोलबजार खानेपानीको चुनावमा मेहनती जिबछ साहको प्यानल घरदैलो कार्यक्रममा

 पुस-२ सिरहा। सिरहाको गोलबजार खानेपानी तथा सरसफाई उपभोक्ता समितिको आगामी निर्वाचनलाई लक्षित गर्दै अध्यक्ष पदका मेहनती र इमान्दार उम्मेदवार जिवाछ साहको प्यानल घरदैलो कार्यक्रमलाई तिव्र बनाएका छन्। उनले उपभोक्ताको समस्या सुन्दै शुद्ध खानेपानीको सुनिश्चितताका लागि आफूले नेतृत्व लिन चाहेको बताएका छन्। उम्मेदवार साहको जनतासँगको प्रत्यक्ष सम्पर्क र समाधानमुखी प्रतिबद्धताले उनलाई बलियो उम्मेदवारको रुपमा उभ्याएको छ। उनले उपभोक्तामाझ घरदैलो कार्यक्रम गर्दै गोलबजारको खानेपानी समस्या समाधानको योजना प्रस्तुत गरिरहेका छन्। मतदाताहरुको समर्थनले र स्थानीयहरुको समर्थनले उहाँलाई बलियो उम्मेदवारको रुपमा उभ्याएको छ भने स्थानीय र उपभोक्ताले पनि उनको योजनालाई सकारात्मक रूपमा लिएका छन्। नेकपा माउवादी पाटि बाट अध्यक्ष पदका उम्मेदवार बनेका साहले भने, “गोलबजार क्षेत्रका उपभोक्तालाई शुद्ध र सहज खानेपानी पुर्याउनु मेरो मुख्य प्राथमिकता हो। यस समस्याको स्थायी समाधानका लागि म प्रतिबद्ध छु।” पुस ५ गते हुने उपभोक्ता समिति निर्वाचनले गोलबजार खानेपानीको व्यवस्थापनमा नयाँ नेतृत्व चयन गर्नेछ। कर्मठ र मेहनती उम्मेदवार साहले उपभोक्ताको मन जित्न निरन्तर रूपमा आफ्नो अभियान जारी राखेका छन्। स्थानिय उपभोक्ताहरुले पनि खानेपानीको समस्या समाधानका लागि सकारात्मक परिवर्तनको अपेक्षा गर्दै साह प्रति विश्वास प्रकट गरिरहेका छन्।