बर्षाले किसानको गहुँ बाली नष्ट, किसानहरू चिन्तित

 सिरहा चैत २८: वर्षाका कारण सिरहा र आसपासका जिल्लाहरूमा गहुँ बालीमा व्यापक क्षति पुगेको छ। खेतमा पानी जमेर गहुँ भिज्न थालेपछि बालीनाली सड्न थालेको किसानहरूले बताएका छन्। स्थानीय किसान प्रदिप यादवले भने, “गहुँ काट्ने बेलामा पानी पर्‍यो, काटिसकेको गहुँसमेत खेतमै बिग्रियो। धेरै वर्षपछिको राम्रो उत्पादनको आशा थियो, तर सबै सपना पानीले बगायो।”