कल्याणपुर नगरपालिकामा करोडौँ खर्चिए पनि चेतनामूलक कार्यक्रम कागजमै सीमित, भ्रष्टाचारको आशंका

  • जेठ २३, २०८२
  • ६५० पटक पढिएको
  • प्रदेश टाइम्स
alt

 सिरहा — कल्याणपुर नगरपालिकामा चेतनामूलक कार्यक्रम, नाटक तथा सीपमूलक तालिमका लागि हरेक वर्ष झैँ यस पटक पनि झन्डै १ करोड ३७ लाख ८० हजार रुपैयाँ विनियोजन गरिए पनि यस्ता कार्यक्रम कागजमै सीमित हुने, प्रभावहीन रहने र रकम दुरुपयोग हुने आशंका थप बलियो बन्दै गएको छ। प्रमुख प्रशासकीय अधिकृत श्रीदेव यादवमाथि योजनाको बजेट ५०–६० प्रतिशत कमिसनमा ठेक्का दिने, योजनाको मोलमोलाइ गर्ने र रकम दुरुपयोग गर्ने गम्भीर आरोप लाग्दै आएको छ भने ‘सीपमूलक तालिम’का नाममा फर्जी नाम, एउटै व्यक्तिको छाप र हस्ताक्षरसहितको सूची प्रयोग गरिएको स्थानीयले बताएपछि कार्यक्रमको विश्वसनीयता थप प्रश्नमा परेको छ। यसैबीच, नगरपालिकाले वर्षेनी बजेट छुट्याउने गरेको 'नागरिक वडा पत्र'समेत कहाँ कसरी वितरण गरिएको हो भन्नेबारे कुनै स्पष्टता नरहेको र उक्त योजना पनि रकम निकाल्ने माध्यममा सीमित भएको स्थानीयको आरोप छ। नगर प्रमुख रामपुकार साहमाथि समग्र नगर विकासभन्दा व्यक्तिगत लाभमा केन्द्रित भएको, अघिल्लो कार्यकालमा समेत सार्वजनिक स्रोतको दुरुपयोग गरेको, आफन्तको नाममा सम्पत्ति जोड्ने काममा मात्र चासो दिएको भन्दै स्थानीयवासी र सामाजिक अभियन्ताहरूले तीव्र असन्तोष व्यक्त गर्दै आएका छन्। सार्वजनिक स्रोतको पारदर्शी प्रयोग र जवाफदेहिता सुनिश्चित गर्न अख्तियार दुरुपयोग अनुसन्धान आयोग तथा सम्बन्धित निकायले तत्काल गम्भीर छानबिन थाल्नुपर्ने मागसमेत उठेको छ।

प्रतिक्रिया दिनुहोस

कुस्तीको अखाडादेखि स ...

सिरहा ।  गाउँको माटोसँग जोडिएको सम्बन्ध, समाजसँगको निरन्तर सामीप्यता र जनजीवनका गतिविधिमा देखिन ...

रंगीला देवी जयसवालको ...

 नेपाली कांग्रेसका सभापति गगन कुनार थापा आइतबार बिहान आफ्नै निर्वाचन क्षेत्र सर्लाही ४ पुगेर स् ...

कांग्रेस परित्याग गर ...

सिरहा । सिरहा जिल्लाको धनगढीमाई नगरपालिकाका युवा नेता अरुण यादव नेपाली कांग्रेस परित्याग गरी राष्ट्र ...