जनकपुरधाममा पत्रकारमाथि वकिलहरूको आक्रमण, प्रेस स्वतन्त्रता प्रश्नमा

  • साउन २८, २०८२
  • ४५७ पटक पढिएको
  • प्रदेश टाइम्स
alt

 जनकपुरधाममा पत्रकार र वकिलबीचको विवाद हिंसात्मक घटनामा परिणत भएको छ । नेपाल पत्रकार महासंघ मधेश प्रदेशले गुठी संस्थानसँग वैधानिक प्रक्रिया पूरा गरी लिजमा लिएको भूतनाथ महादेवको दक्षिणतर्फ पर्ने ४ कठ्ठा जग्गा कब्जा गर्दै वकिलहरूको समूहले मंगलबार पत्रकारमाथि आक्रमण गरेको महासंघले जनाएको छ । आक्रमणमा महासंघका अध्यक्ष श्याम बन्जारा, महासचिव शैलेन्द्र क्रान्ति, पत्रकार दिवाकर रायसहितका पत्रकार घाइते भई प्रादेशिक अस्पतालमा उपचाररत छन् । साउन १९ गते वार्षिक रु ३ लाख १ हजार १ सयमा २० वर्षका लागि लिज सम्झौता सम्पन्न भएकोमा, साउन २० गते नेपाल बार एसोसिएसन जनकपुरधामले सो स्थानलाई वकिलहरूको गाडी पार्किङका लागि घोषणा गरेपछि विवाद सुरु भएको थियो । मंगलबार दिउँसो विवादित स्थलमा पुगेका पत्रकार महासंघका प्रतिनिधि र कानुन व्यवसायीबीच चर्काचर्की भई हातपात, लाठीचार्ज र ढुंगामुढा भएको महासचिव क्रान्तिको आरोप छ, जसमा उनीको खुट्टा भाँचिएको र अध्यक्ष बन्जारा तथा पत्रकार रायको टाउकोमा चोट लागेको छ । प्रत्यक्षदर्शीका अनुसार घटनास्थलमा प्रहरी उपस्थित रहे पनि तत्काल नियन्त्रणमा लिन असफल भए । महासंघले यसलाई केवल जग्गा विवाद मात्र नभई प्रेस स्वतन्त्रता र कानुनी मर्यादामा आघात भएको भन्दै दोषी वकिलमाथि कारबाही र पत्रकारको सुरक्षाका लागि ठोस व्यवस्था गर्न माग गरेको छ, जबकि नेपाल बार एसोसिएसन जनकपुरधामले अझै आधिकारिक प्रतिक्रिया दिएको छैन । यो विवाद मधेश प्रदेशको प्रेस स्वतन्त्रता र संस्थागत विश्वसनीयताको परीक्षा बन्न पुगेको छ ।

प्रतिक्रिया दिनुहोस

कुस्तीको अखाडादेखि स ...

सिरहा ।  गाउँको माटोसँग जोडिएको सम्बन्ध, समाजसँगको निरन्तर सामीप्यता र जनजीवनका गतिविधिमा देखिन ...

रंगीला देवी जयसवालको ...

 नेपाली कांग्रेसका सभापति गगन कुनार थापा आइतबार बिहान आफ्नै निर्वाचन क्षेत्र सर्लाही ४ पुगेर स् ...

कांग्रेस परित्याग गर ...

सिरहा । सिरहा जिल्लाको धनगढीमाई नगरपालिकाका युवा नेता अरुण यादव नेपाली कांग्रेस परित्याग गरी राष्ट्र ...