कर्तव्यपालनको सिलसिलामा वीरगति प्राप्त गरेका प्रहरी इन्सपेक्टरको पशुपति आर्यघाटमा स-सम्मान दाहसंस्कार

प्रहरी निरीक्षक स्व. दाहालको सम्मानमा नेपाल प्रहरी संगीत विद्यालय समेतको टुकडीले अन्तिम सलामी र शोक सलामी अर्पण गरेको थियो । स्व. दाहालको पार्थिव शरीरमा उहाँका बुबा प्रकाश शर्मा दाहालले दागवत्ती दिनुभयो ।

धनुषा क्षिरेश्वरनाथ नगरपालिका-५ कुचियाही टोलमा गएराति शंकास्पद वस्तु वि ष्फोटन हुँदा ग म्भीर घाइते हुनुभएका प्रहरी निरीक्षक दाहालले विपी कोइराला स्वास्थ्य विज्ञान प्रतिष्ठान घोपा धरानमा उपचारको क्रममा वीरगति प्राप्त गर्नुभएको थियो । संखुवासभामा जन्मिनुभएका प्रहरी निरीक्षक दाहाल हाल काठमाडौं गोकर्णेश्वर नगरपालिका-८ कृष्णनगरमा बस्दै आउनुभएको थियो । वि.सं. २०५५ कात्तिक १ गते नेपाल प्रहरीको प्रहरी सहायक निरीक्षक पदमा सेवा प्रवेश गर्नुभएका स्व. दाहाल वि.सं. २०६० असोज ९ गते प्रहरी नायव निरीक्षक तथा वि.सं. २०७५ बैशाख १९ गते प्रहरी निरीक्षक पदमा पदोन्नति हुनुभएको थियो । स्व. दाहालका बुवा, आमा, श्रीमती र एक छोरा हुनुहुन्छ ।

प्रहरी निरीक्षक स्व. दाहाल २०७६ साउन ८ गतेदेखि ईलाका प्रहरी कार्यालय महेन्द्रनगर धनुषाको प्रमुखको रुपमा कार्यरत रहनुभएको थियो ।