बिभिन्न सरोकारबला निकायहरुको निगरानीमा सिरहा नपा ११ मा राहत बितरण

राम पुकार यादव÷  कोभिड १९ को मध्य नजर गर्दै सिरहा नगरपालिका वडा नम्बर ११ भलुवाहीमा राहत बितरण गरेको छ । जनतालाई शुशासनको प्रत्याभुति दिलाउन सिरहाको बिभिन्न सरोकारबला निकायहरुको निगरानीमा राहत बितरण गरेको वडा अध्यक्ष तथा राहत बितरण समितिका संयोजक बिनोद कुमार कामतिले जनाएको हो ।

अध्यक्ष कामतिले कोभिड १९ को मध्य नजर गर्दै २५ केजी सोना मन्सुलि चामल, ३ केजि मसुरो दाल,२ लिटर सनफलावर तेल, २ केजि आयोडिन नुन र २ वटा हात धुने साबुन बितरण गरेको बताए ।

करिब ४०० घरधुरी बिपन्न समुदाय रहेको वडा ११ भलुवाहिमा आज मात्र १४२ जना घरपरिवारलाई बितरण गरेको वडा सचिव राम एकबाल कामतिले जनाएको छ । सचिव कामतिले बिपन्न समुदायलाई ख्याल गर्दै राहतको लागि निशुल्क फोटोकपि पनि उपलब्ध गराएको प्रदेश टाइमसलाई जानकारी गराउँदै यस भन्दा पहिला पनि ८०८ घरपरिवारलाई ३ वटा मास्क सहित २ वटा साबुन र सेनिटाईजर बितरण गरेको जनाए ।हाल प्रथम चरणमा नाम छुटेकाहरुलाई समेत समेटिने जनाएको छ ।