गोलबजार नगरपालिकाले गरे ७५ करोडको बजेट विनियोजन

सिरहा । सिरहाको गोलबजार नगरपालिकाले अगामी आर्थिक वर्ष २०७७।०७८ को लागि ७५ करोडको बजेट विनियोजन गरेको छ ।

बुधबार नगर प्रमुख देबनाथ साहको अध्यक्षतामा उदघाटन गरीएको नगरसभामा ७५ करोड ४० लाख ७८ हजार ६ सय ६१ रुपैयाँको प्रस्ताव पेश गरिएको हो ।

जसमा पुजिगत तर्फ ४० करोड र चालु तर्फ ३४  करोड लगभग बजेट विनियोजन गरिएको गोलबजार नगरपालिकाका मेयर देबनाथ साहले जानकारी दिए ।

शिक्षा, स्वास्थ्य , कृषि र बाटो लगायतलाई प्राथमिकतामा राखेर बजेट विनियोजन गरेको प्रमुख प्रशासकिय अधिकृत श्रीधर केसीले बताए ।

नगरपालिकाले सोही अवसरमा काम गरेका उतकृष्ट कर्मचारीहरुलाई सम्मान पनि गरेका बताए ।