खेलकुदको विकासमा टेवा पुग्ने : प्रदेश साँसद यादव

प्रदेश साँसद यादवको संसदीय कोषको ९ लाख ५० हजारको लागतमा २२ वटा वडामा फुटबल र क्रिकेट खेललाई प्रोत्साहन हुनेगरी सामग्री वितरण गरिएको अध्यक्ष यादवले बताए । सिरहामा एक कार्यक्रमको आयोजना गरी वडा नम्बर १, २, ७, ८, ९ र ११ का कल्व र खेलाडीलाई खेलकुद सामग्री वितरण गरिएको हो । वडा नम्बर १ र ७ मा क्रिकेट खेलको लागि खेलाडीलाई जर्सी र टिमलाई विकेट ६ थान, ब्याट २ थान, हेलमेट १ थान, प्याड १ थान, ऐरी १ थान, टेनिस बल १÷१ वटा वितरण गरिएको अध्यक्ष यादवले बताए ।

यस्तै फुटबल खेलका सामग्री वडा नम्बर २, ८, ९ र ११ का खेलाडीलाई जर्सी, बुट, हज र टिमलाई २ थान फुटबल दिईएको छ ।खेल सामग्री वितरण गर्दै प्रदेश साँसद यादवले खेलकुदको विकासमा टेवा पुग्ने बताए । आफूपनि खेलकुद क्षेत्रप्रति लगाब राखेकोले युवाहरुलाई खेलप्रति प्रोत्साहन गर्न खेलकुद सामग्री वितरण गर्न सहयोग गर्न पाएको बताए ।

खेलकुद सामग्री वितरण कार्यक्रममा नेकपाका युवा नेता रविन्द्र साह, जिल्ला समन्य समिति सदस्य गिता पासममान, सिरहा नगरपालिकाका मेयरका प्रत्यासी डा नविन यादव, वडा नम्बर ६ का वडाअध्यक्षका प्रत्यासी दिनेश यादव, जिल्ला फुटबल संघका अध्यक्ष अरुण कुमार साह, महासचिव कृष्ण कुमार यादव लगायत सहभागी रहेको थियो । कार्यक्रमको संचालन खेलाडी रामभरोस यादवले गरेका थिए ।

पहिलो दिन ६ वटा कल्वलाई खेलकुद सामग्री वितरण गरेको कल्वले सिरहा नगर क्षेत्रका अरु १६ वटा वडालाई क्रमशः दुई दिनभित्र खेल सामग्री हस्तान्तरण गरिसक्ने अध्यक्ष यादवले बताए ।

२ हजारको सहयोग हस्तान्तरणयसैवीच सलहेश कल्वका अध्यक्ष राजिप यादवले आफूले पाएको राहत रकम अर्का एक खेलाडीलाई हस्तान्तरण गरेका छन् । आफू रेफ्री पनि भएकोले जिल्ला फुटबल संघले आर्थिक सहयोग स्वरुपको २ हजार रकम सहयोग गरेपछि त्यो रकम फुटबल खेलाडी शम्भु कुमार यादव (हावा)लाई प्रदान गरेको बताए । उक्त चेक रकम प्रदेश साँसद यादव मार्फत खेलाडी शम्भुुलाई प्रदान गरेको उनले बताए ।