जनमत पार्टीको राजदेवी नपा ७ मुड़वलवामा तदर्थ समिति गरे गठन

मेवालाल यादव रौतहट भदौ ३१ रौतहटको राजदेवी नगरपालिका वडा नं ७ टोल मुड़वलवामा पचासौंको संख्यामा डाक्टर सिके राउत नेतृत्वमा रहेको जनमत पार्टीमा प्रवेश गरेका छन् । जनमत पार्टी रौतहटको जिल्ला सचिव बिकास कुमार यादव र जिल्ला प्रवक्ता संतोष यादव को प्रमुख उपस्थितिमा आयोजित कार्यक्रममा मंगल राय यादव , अमेन्द्र कुमार साह, अरुण कुमार साह ,अशोक साह , बिजलाल राय यादव, राम प्रकाश ठाकुर कार्यक्रम आयोजन गरी पार्टी प्रवेश गरेका छन् । उक्त कार्यक्रममा श्री रबिभुषण प्रसाद यादव को अध्यक्षतामा १३ सदस्य टोल तदर्थ समिति गठन भएको हो । कार्यक्रममा नेता यादवले मधेस मुक्तिको लागि जनमत पार्टीको विकल्प नरहेको र जनमत पार्टीले सामुदायिक स्वराजको स्थापना गर्ने बताएका थिए ।