नवराजपुरका प्रमुख ‘मुखियाजी विकासमे तेज

नवराजपुरका प्रमुख ‘मुखियाजी विकासमे तेज’ , सिरहा लहान, ३ जेठ । सिरहाको दुर्गम गाउँपालिका नवराजपुरमा जनप्रतिनिधि आएपछि विकासको लहरमा तिब्रता पाएको छ । नवराजपुर गाउँपालिका अन्तरगत पाँच वडामा बराबरी विकासको गति दिएपछि स्थानीयहरु प्रमुख विश्वमोहन यादवप्रति खुशी भएका छन् । हामी खुशी किन नहुनु स्थानीय प्रदीप सिँह भन्छन् — जहाँ कल्पना गरेका थिए, त्यहाँ मुखियाजीले हुलाकीमार्गलाई लोकमार्गमा जोड्न मझौरादेखि मौवाहीसम्म नमुनाको सडक निर्माण गरेका छन् । निकट भविष्यमा कालोपत्रे गर्ने योजना रहेपनि यत्तिबेला माटो ग्राभेल गरि तीन किलो मिटरसम्म नमुनाको सडक निर्माण गरिएको छ । हुनत ः कृषि सडकलाई महत्व दिएको नवराजपुरका प्रमुख विश्वमोहन यादव भन्छन् —‘कृषि उत्पादन राम्रो भयो भने यहाँका जनताको शिक्षा, स्वास्थ्य र रोजगारीमा सहज पहुँच हुन्छ ।’ ‘यसैले हामीले यत्तिबेला कृषि सडक निर्माण मर्मतमा लागेका छौं ।’‘ यो सँगै सिँचाईको लागि विजुलीको व्यवस्थापन गरे ।’ नवराजपुर गाउँपालिकाका पाँचै वडामा टोल टोल र खेतीसम्म विजुलीको व्यवस्था गरिएको छ । ढेड दूई दर्जन कृषि सडकको मर्मत र निर्माण काम गति लिएकोे छ । विद्यालय, स्वास्थ्य प्रतिष्ठान, डिहिवार थान, चौक पार्कलाई व्यस्थित गर्दै गाउँपालिका भवनको लागि कम्पाउण्ड वाल तयारीमा लागेको छ । एक करोड १८ लाख बार्षिक बजेट विनियोजित गरिएको छ । जसमा भौतिक निर्माणलाई प्राथमिकता दिँदै शिपमुलक तथा सचेतनामुलक कार्यक्रमलाई गतिका साथ अगाडि बढाइरहेको छ । सरदर २० किलो मिटर कृषि सडक निर्माण तथा मर्मत गरिरहेको छ । सोनवर्षा स्कूलको अधुरो कम्पाउण्डवाल निर्माणमा १० लाख । मझौरादेखि मौवाहीसम्म सडक निर्माण २० लाख । गापाको कम्पाउण्डवाल ४० लाख । वडा ४ को भवन निर्माणमा २५ लाख । रेडक्रस भवन निर्माणमा १० लाख । लहरनियाँदेखि सुन्दरपुरसम्म ८ लाख । लहरनियाँउत्तरदेखि चोरी सडक मर्मत १ लाख २० हजार । लवका टोलमा ५ लाख । हजारी माताको कम्पाण्डवालको लागि १० लाख । रामजानकी मन्दिरको कम्पाण्डवालको लागि ३ लाख । लहरनियाँ डिहिवारस्थानमा ६ लाखलगायत विद्युतको काम तिब्र गतिमा भइरहेको छ । समावेशी समानुपातिक आधारमा काम गर्दा त्यस गापाका वडाध्यक्षहरु , सदस्यहरु र नि.प्रमुख प्रशासकीय अधिकृत नागेन्द्रप्रसाद पटेलको भूमिका सकारात्मक रहेको छ ।

प्रशासकीय अधिकृत पटेल भन्छन् —‘प्रमुख यादवको कार्यदक्षता हेरेर यहाँ सबैले विकासको कार्यमा सकारात्मक ढँगबाट अघि बढिरहेको छ । लगानी बमोजिम विकास निर्माण कार्य अघि बढिरहेको छ । यसले नवराजपुर यत्तिबेला विकासतर्फ द्रुत गतिमा अगाडि बढिरहेको छ । यहाँका जनता पनि सकारात्मक ढँगबाट आफ्नो विकास कार्यलाई आत्मसात् गरेका छन् । यहाँका जनता विकासका लागि भोको थिए । त्यसलाई पूरा गर्न मुखियाजी सक्षम अर्थात तेज भएका छन् स्थानीय जयकिशोर यादव बताउँछन् । भारतको हावा लागेर सिमाक्षेत्रमा गापा प्रमुखलाई मुखियाजी भन्दै आएको छ ।