घर बनाउने विषयमा विजयपुरमा दुई समुहवीच झडप, दुइ जना गम्भिर घाइते

राम शरण यादव  असोज २७ गते, रौतहट । रौतहटको फतुवा विजयपुर नगरपालिकाको विजयपुरमा आज एलानी जग्गामा घर बनाउने विषयलाई लिएर झडप भएको छ । फतुवा विजयपुर नगरपालिका वडा नं ८ र ९ को विचमा नेकपाका एक कार्यकर्ताले एलानी जग्गामा बलजबरस्ती घर बनाउन लाग्दा झडप भएको छ । नेकपाका एक नेताको आडमा नेकपाका कार्यकर्ता सिताराम साहले बलजबरजस्ती विजयपुर बजार भन्दा पच्छिम अस्पतालको कम्पाउण्ड वालको लागि छुटयाइएको एलानी जग्गामा घर बनाउन खोज्दा स्थानीयवासीहरुले रोकेपछि भएको वादविवाद झडपमा परिणत भएको छ । झडपमा नेकपाबाट वडा नं १ को अध्यक्षमा निर्वाचित संजय साह, नेकपाको नगर समिति अध्यक्ष रमेश तिमल्सिना, जटाशंकर साह, सहिन्द्र साह लगाएतका नेकपाका कार्यकर्ताहरुले गरेको लठी प्रहारले स्थानीय रामबाबु यादव र राम चन्द्र यादव गम्भिर घाइते भएका छन । विजयपुरका वडा अध्यक्ष उमाशंकर साह कलवारको जिरान मिलबाट उनिहरु लठी र लकरीको भाठा ल्याएर यादवमाथी अन्धाधुन्द प्रहार गरेको थिए । गम्भिर घाइते भएका दुवै जना नेपाली कांग्रेसको कार्यकर्ता रहेका छन । उनिहरुको उपचार अहिले विरगंचजमा भइरहेको छ । स्थानीयहरुका अनुसार झडपमा यादव समुह पक्षबाट मात्रै दुइ जना घाइते भएका छन तर जिल्ला प्रहरी कार्यालय रौतहटका अनुसार झडमा यादव र साह गरी दुवै तर्फबाट केहि मानिसहरु घाइते भएको छ । नेकपाका कार्यकर्ताहरुको कुटाइबाट दुइ जना गम्भिर घाइते भएपनि इलाका प्रहरी कार्यालय विजयपुर लक्ष्मिीनीयाले अहिलेसम्म एक जनालाई पनि पक्राउ गर्न सकेको छैन । इलाका प्रहरी कार्यालय विजयपुर लक्ष्मिीनीयाका प्रहरी निरीक्षक इन्स्पेक्टर विष्णु विकले आफु घटनाको बारेमा केहि बताउन नसक्ने भन्दै स्पस्ट जावफ दिएका हुन । घटना सम्बन्धमा इलाका प्रहरी कार्यालय विजयपुर लक्ष्मिीनीयाले अहिलेसम्म कुनै एक्सन नलिएको र दोषीलाई पक्रउ गर्न समेत कुनै चासो नलिएको भन्दै पिडित परिवारले प्रहारी प्रशासनमाथी आक्रोसीत भएका छन । विजयपुरका इन्स्पेक्टर विकले आफना जिम्मेवारी पुरा गर्नबाट पञ्छिन खोजेको पिडितले आरोप लगाएका छन ।