सामुहिक भवन निर्माणमा ठेकेदारको पेट टन्न,गरिबको जिवन खतरामा

अनुभक्त चौधरी लहान । तराई मधेश समृद्घि कार्यक्रम अन्तरगत सिरहाको लहान नगरपालिका वाडा नं. ११ मा सामुहिक भवन निर्माण भैरहेको छ । तर भवन हेर्दा मजबुत र भरपर्दो न रहेको स्थानियको गुनासो रहेको छ । बनिरहेको भवनको पिलरमा ३ सुतको एउटा रड मत्रै दिएको छ भने जस्ता अनि एङ्गल पनि कमजोर देखिएको छ । भुई ढलान पनि तल धसि रहेको छ । घरमा बस्ने सन्जी देवि सदायको अनुसार घर त बनायो तर दुई नम्बरको ईटा प्रयोग गरिएको छ । त्यसतै दिपक सदायको अनुसार मसला बनाउदा सिमेन्टको भग भन्दा पनि बढी बालुवा हालेको छ छुदा पनि प्लास्टर झर्ने गरेको बताउनु भयो । सदाले थपदै भने मैले भन्दा पनि मानेन मेरो बुवाले भन्दा बुवा संगनै झगडा भएको थियो । हामी गरिब छौं घर थिएन घर भयो राम्रो हो तर मजबुत भएन । निर्माणरत सामुदायिक भवन समितीका कोषाध्यक्ष पवनि देवी सदायका अनुसार ठेकेदार मर्फत काम भईरहेको छ । काम राम्रो संग भएको छैन । पलास्टरमा ढुङ्गा छ ढुङ्गा माथिबाट खस्दा भुईमा खाल्डो नै हुन्छ । ।सामुदायिक भवन निर्माणको बारेमा लहान नगरपालिका वाडा नं. ११ का वाडा अध्यक्ष राज कुमार साहले यस्तो प्रतिक्रीया दिनुभएको छ । “जो सधैं झुपडिमा बसिरहेको थियो उसलाई पक्की घरको बारेमा के थाहा हुन्छ । अहिले बन्दै गरेको अवस्थामा छ जुन बिग्रेको छ त्यो बनाउछौं । काम गर्दै त्रुटी हुन्छ त्यसलाई सच्याउँछौं । ” टवाईलेट,वाथरुम सहीत १२ ओटा कोठा निर्माण भईरहेको सामुदायिक भवनमा आठ ओटा कोठा निर्माण गरि रंग पनि भइसकेको छ भने चार ओटा कोठाको निर्माण काम अन्तिम चरणमा छ ।