सन्जय बचाउ अभियानमा वाडा अध्यक्ष देखि प्रजिअ सम्मको सक्रियता

सिरहा । संजय बचाउ अभियान "को आज दोस्रो दिन सिरहा नगरपालिका वडा न ११ का वडाध्यक्ष बिनोद कामतीले १ क्विन्टल दाउरा सहयोग गर्नुभएको छ ।

सिरहा प्रहरी कार्यालय अगाडिको एउटा पसलको ब्रन्डामा रात बिताउन विवश संजयलाई जाडोवाट वचाउन दाउरा उपलव्ध गराएको वडाध्यक्ष कामतीले वताउनु भयो । हिजो मात्रै सिरहाका सिडियो प्रदीपराज कंडेलले २ थान कम्वल , जिल्ला अस्पताल सिरहाका प्रमुख डा नागेन्द्र यादवले १ थान झुल, चिकित्सकीय सेवा सहित औषधि र बिनोद साहले न्यानो कपडा उपलव्ध गराउनुभएको थियो ।

जाडोमा न्यानो लुगा , तातातो खाना र हावालाइ छेक्न सकिने वास अभावका कारण संजयको स्वास्थ्य समस्या निम्तिएको उपचारमा संलग्न डाक्टरले बताए । ४२ वर्षिय संजयको आफन्त कोहिपनी नरहेको र लगभग १५ वर्षदेखी त्यही ब्रन्डामा बस्दै आएको स्थानीयहरु बताउछन । संजयलाइ बिनोद साह र बाबा होटेलका पवन साहले खाना नास्ता खुवादै खुवाइरहेको स्थानियहरुको भनाइ छ । लकडाउनमा होटेल बन्द भएको कारण खानाको अभाव र अहिलेको चिसोको कारण स्वास्थ्यमा समस्या आएको स्थानीय बिरेन्द्र यादव वताए । संजय मानसिक अपाङ्गता भएका ब्यक्ती हुन ।