सिरहामा राष्ट्रिय एकता अभियानको पहिलो कार्यकर्ता सम्मेलन सम्पन्न

सिरहा : राष्ट्रिय एकता अभियानले सिरहामा शनिवार जिल्ला कार्यकर्ता सम्मेलन गरेको छ । सम्मेलन अभियानका केन्द्रीय अध्यक्ष विनय कुमार यादवको प्रमुख आतिथ्यमा सम्पन्न गरेको हो ।

अध्यक्ष यादवले हिन्दु राष्ट्रका लागि सशक्त भएर अगाडी बढ्नुपर्ने बताए । उनले विदेशीको इशारामा धर्मनिर्पेक्ष राष्ट्र घोषणा गरेको भन्दै अब पुनः नेपाललाई गणतन्त्रसहितको हिन्दुराष्ट्र कायम गर्नुपर्ने धारणा राखे ।

सम्मेलनको विशिष्ट अतिथि तथा अभियानकी राष्ट्रिय उपाध्यक्ष सुनिता साहले हिन्दु राष्ट्रका लागि सबै एकजुट भएर संघर्ष गर्नुपर्ने बताइन् । उनले हरेक जिल्लामा अभियान विस्तार गर्ने र संघर्ष जारी राख्नुपर्नेमा जोड दिइन् ।

सम्मेलनमा अभियानका केन्द्रीय सदस्य नागेन्द्र यादव, उपेन्द्र सिंह, मनोज यादव, दिनेश यादव लगायतले मन्तव्य राखेका थिए ।