गोलबजार नगरपालिकाको लापरवाही ,२० लाखमा खरिद गरेको घुम्ती शौचालय अझ प्रयोग बिहिन

 मुकेश कुमार यादब /सिरहा ०८ चैत । सिरहाको गोलबजार नगरपालिकाका जनप्रतिनिधि तथा कर्मचारीहरुको लापरबाहीले करिब २० लाख लागत खरिद गरेको घुम्ती शौचालय अझ प्रयोग बिहिन रहेका छ्न । गोलबजार नगरपालिकाको मुख्य चोकहरुमा सार्वजनिक शौचालय छैनन् । यहाँका मुख्य चोकहरुमा हाटबजारको दिन सवारीसाधन र पैदलयात्रुको भीडभाड पनि अत्यधिक नै हुन्छ । नगरपालिकामा घुम्ति शौचालय खरिद गरेको करिब दुई वर्ष भन्दा बढी वितिसकदा पनि अझै प्रयोगमा आउन सकेको छैन । पहिलो नगरसभाबाट सेवाग्राहीको आत्याधिक चापलाई मध्यनजर गर्दै आ।ब।२०७५÷२०७६ मा करिब २० लाखको लागतमा खरिद गरिएका दुई वटा घुम्ती शौचालय जनप्रतिनिधि तथा कर्मचारीहरुकै लापरवाहिका कारण प्रयोगविहीन हुदा स्थानियहरुलाई सास्ति खेप्नु परेको छ ।घुम्ती शोचालय खरिद गरेको एक वर्ष सम्म नगरपालिकाले मागेअनुसार डिजाइनमा निर्माण नभएको भन्दै पटक–पटक फर्काउने र केही फेरवदल गरेर ल्याउने प्रकृयामा दुई वर्ष वितेको नगर प्रमुख देवनाथ साहले स्विकारेका छ्न । उनलेभने, ‘ठेकेदार कम्पनीले नगरपालिकासँग सम्झौता भएको डिजाइनमा नबने पछि दुई तीन पटक ‘रिमेक’ गर्न लगाइयो, त्यसमा पनि भनेजस्तो भएन, पछि आफै थाकेर सामान राखें अझै प्रयोगमा ल्याउन सकिएको छैन ।’ गोलबजार र चोहर्वामा साप्तामा ४ दिन हाटबजार लाग्ने गर्छ । बजारमा नजीकका किसानहरु विहानै देखि तरकारी विक्रिको लागि र विभिन्न ठाउँबाट समान खरिदका लागि व्यवसायीहरु आउने गर्छन् । बजारमा किनमेलगर्न आउनेको लागी भनेर खरिद गरिएको घुम्ती शौचालय अझै प्रयोगमा आउन सकेको छैन । खरिद गरेको वर्षौं वितिसकेपछि नगरको लाखौं लगानीमा खरिद गरेको घुम्ती शौचालय त्यसै थन्कीएर बसेको छ । यता,गोलबजार नगरपालिका प्रमुख प्रशास्कीय अधिकृत श्रीधर केसिले राख्ने उचित ठाउँ नभएको बहाना देखाउदै उनले भन्ने शौचालय संचालन गर्न सकिएको छैन । अव साथीहरुसँग सल्लाह गरेर ठाउँ खोजेर चाँडै प्रयोगमा ल्याइने भन्दै पन्छिएको छ । जिल्लामै नमुना बजारको रुपमा चिनिने गोलबजार नगरपालिकामा खरिद विक्रि गर्न आउने ग्राहकहरुको लागि उचित सार्वजानिक शौचालयको व्यवस्थापन नहुदा समस्या भएको व्यापारीहरु बताउछन । “चोकमा शौच गर्न नपाएर पैदलयात्री तथा समान किनमेल गर्न आउने सेवाग्राहीहरु शौचालय खोज्दै होटलमा पुग्ने गर्छन् । तर कतिपय होटल सञ्चालकले शौच गर्न दिँदैनन् । यस्तो अवस्थामा घुम्ती शौचालय उपयोगविहीन बनाउनु जनप्रतिनिधि तथा कर्मचारीकोलागि लज्जास्पद भएको स्थानिय संतोष साहले बताए । गोलबजार र चोहर्वा चोकमा सार्वजनिक शौचालय नहुँदा ग्राहकलाई कति ठूलो समस्या छ भन्ने सबैलाई थाहा भएता पनि बुझेर बुझ पचाउनु राम्रो नभएको बताए ।